طبق رمضان .. بس بس للعزابية

من طرف صديق الرووح 11/9/2008, 11:12 pm

اولا : طريقة عمل الشاي

الأدوات :

ابريق او ركوة تغلي فيها الماء
كوب فارغ يستحسن ان يكون مغسول
قليلا من السكر
كيس شاى ليبتون
ورقتين نعناع ( فقط ورقتين ) حسب الطلب
نار<< لاتلعب بالنار تحرق صابيعك
كبريت اذا تعذر قداحة

الطريقة :

املأ الابريق الي بتغلي فيها الماء
وضعها على النار حتى يفــــور ( على وزن يثــــور )
فإذا فار طبعا الماء انتظر قليلا
ثم اغلق الغاز
ضع السكر في الكوب الفارغ
ضع كيس الشاى فى الكوب الفارغ
اضف ورقتى النعناع
ضع الماء المغلى فى الكوب واتركه دقيقتين ثم ارمى الكيس و النعناع فى اى مكان قدامك وبعدين رد نظف المكان
ثم قدمه

وبالهناء والشفاء

============

ثانيا : طريقة البيض المقلي

المقادير

ثلاث بيضات
قليلا من الزيت ( زيت قلي )
ذرّة من الملح
قليلا من الفلفل الاسود المطحون
زبدة
مقلاية
ملعقة للتقليب
نار << ولازم اذكركم مره ثانيه.. لاتلعب بالنار تحرق صابيعك
كبريت

الطريقة :-

هذه الطبخة تحتاج الى مهارة عالية وكفاءة و تركيز و حذر ، لكن مع الوقت ستكون سهلة جدا

ضع المقلاية على النار
ثم ضع قليلا من الزيت
ودعه حتى تصل حرارته الى 143،55667 درجة فهرنهايت وبعديت تحول إلى مئوي
انتبه الطبخة مابتستوي الا مع هذه الدرجة من الحرارة
اذا ما عندكم ترمومتر حرارة حط صبعك الصغير في الزيت
فإذا قلت ( أح ) حينئذ تكون وصلت للحرارة المطلوبة

اكسر البيضات في اناء مقعر ثم ضع الملح والفلفل الاسود وقلب جيدا حتى يتغير لونه وتظهر الفقاعات
هنا وفي هذه اللحظة ضعه بسرعة في المقلاية وابعد وجهك قليلا حتى لا تصاب بأذىمشان الزيت ممكن يسوي تــــشششششششش
فإذا تكونت طبقة شبه صلبة من البيض قم بقلبه على الوجه الآخر بسرعة
استمر في التقليب حتى يصبح لونه برونزي فاتح

وبالهناء والعافية

============

واخيرا المفاجأة الكبرى و المنتظرة

كيف تحصل على ماء بارد ( من أخطر واعقد الوصفات

الأدوات /

- كوب فارغ
- ثلاجة

الطريقة :-

ضع الكوب تحت الحنفيه وافتحه قليلا حتى يمتلأ الكوب بالماء
اغلق الحنفيه باحكام شديد
افتح باب الثلاجة وضع فيها الكوب برفق
اغلق الباب وتأكد انك اغلقته جيدا
اترك الكوب لمدة نصف ساعة ثم اخرجه من الثلاجة
واجلس على الكرسي واشربه بالهناء والعافية

اللي عنده طبخات اخرى يفيد بها اخوته العزاب ياريت مايحرمنا من خبرتووو

وصياما مقبولا وافطارا شهيا لكل العزاب في منتدانا الغالي

لك وروحوو المتجوزين كمان مشان محدا يزعل

الشيف غياث: نائب رئيس جمعية العزابيين وهي الوصفات حسب توصيات الادارة ومكتب العلاقات العامة
__________________

( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.**. ¸.´¨`»
«´¨`.¸.* صــديــق الــــرووح *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸

من طرف محمد عزيز سرور 12/9/2008, 4:33 am

الله أكبر 00
خرج من هذا المنتدى عالم بالطبيخ وخلافه 00 Razz

ضع عليك حراسا ً ومرافقة لكي لا يخطفوك أو
تتعرض للأغتيال 00
لأن علماؤنا من العرب يتعرضون لهذه الحالات
الخطرة 00 Sad

أسرع أيها العالم 00 أخبرنا بعمل القهوة 00
كيف تصنع حتى نوزعها على المعزين بعد أغتيالك !

من طرف كاراميلا 12/9/2008, 7:58 am

اذا للعزابية معناها مو الي

خخخخخ

من طرف أبو خالد 13/9/2008, 2:58 am

انو عم تحكي هيك منشان يجعنا قلبنا عليك انو الدني رمضان وانت عزابي ولوحدك بالغربه وجوع وشوب ومافي فطور مدسم
اي لا حبيبي لا ما زبطت معك

وبما انك ضايف الموضوع امس
لهيك اسماع لكن
امس يا صديقي الغالي كنت معزوم ع الفطور (ورق عنب وفروج ع بطاطا ولحمه مقلزه مع الفطر وخيار بلبن وشوربه وتمر هندي ) وكمان بعد الفطور كان في تلاج ع كيف كيفك و معو قطايف امممم بس يا معلم هالورقات كانو غير شكل

ومع هيك رح كون كريم معك وعلمك كيف تعمل معكرونه بلبن

اول شي بتنزل بتجيب ربطة معكرونه دانه حصرا (لا تسال ليش هيك)
بتجيب طنجرة وبتكسرو هالمعكرونات كسره وحده وبتحط مي بالطنجره وبتغليهن شوي
وبالهوقت بتكون قشرتلك كم سن توم ودقيتهن
بعدين بتشيل هالمعكرونات وبتحن بمصفايه وبتحط تحتها شي طنجره منشان لاتشرشر
وليك ليكون بعلمك من اولتا اتعلم الطبخ بدون ما توسخ المطبخ وبدون ما تكركب حواليك وبالوقت المستقطع اجلي شوفيك تجلي وخفف كركبه
بتنطرهن ليبردو شوي ويصفوا
بهالوقت شو بتكون عملت؟؟؟
بتكون جبت سطل اللبن واتاكد ما يكون حامض انتبه !
حطلك شي كيلو ونص بطنجره يعني تلتينو للسطل
بعدين ضيف عليهن المي وشغل هالنارات وانتبه تحرق صيبيعك
اي يا سيدي انطرهن شوي لحتى اول هبله تطلع بعدين جيب معلقه طبخ وياريت تكون خشب احسن مع اللبن من المعدن وكمان كونك بدك تحرك الخشب احسن منشان اسفل الطنجره.
اي وبتبلش تحرك ع مهل وبجها وحده هيك ليغلي اللبن يعني شي ربع ساعه
ولاتعملي فيها تعبت من التحريك وعضلت وما بعرف شو لا ما بيصير بدك تتحمل لحتى تاكل لقمه طيبه ولحتى تحسس بتعب امك وبتعب مرتك بالمستقبل
(كيفني معكي..؟ قويه مو)
اي بعدين بتنزل هالكعكرونات ع مهل منشنا لا تطرتش الغاز لانو ما عندك حدا ينضف وراك
وبترجع بتكمل تحريك هيك شي ربع ساعه كمان لا تنسى تدلقلك ملح وكتر ملح اطيب
بس مسكو وحسيت انو المعكرونه واللبن مو كل واحد بجهة لحالو بيكونو استوو
جيب صحنين اسكوب فيهن ورش ع الوجه نعنع مطحون يابس
كول واحد وانت عم تدعيلي وتتشكرني
والتاني حطو بالبراد وكلو بس تفيق من نومة بعد الفطور كلو بارد
المعكرونه بلبن طيبه بارده بالصيف
بس تفيق بتكون بردت الطنجرة حطها بالبراد منشان لا تتنزع
ابتعرف لبن وصيف بيخرب برا البراد
ولا تحطها بالبراد وهيي سخنه كمان انتبه
ولو معقوله بدي علمك كل شي
اتعا ولك خيي بعملك اياها هوزن وبريح راسي
بكرا بعلمك كيف تعمل المفركه وكمان ليك الكفته اسهل اكله بالطبخ ما بدها شي كمان رح علمك كيف
الك عليي كل يوم علمك طبخه لحتى يخلص رمضان

من طرف صديق الرووح 13/9/2008, 9:38 am

محمد عزيز سرور كتب:الله أكبر 00
خرج من هذا المنتدى عالم بالطبيخ وخلافه 00
ضع عليك حراسا ً ومرافقة لكي لا يخطفوك أو
تتعرض للأغتيال 00
لأن علماؤنا من العرب يتعرضون لهذه الحالات
الخطرة 00
أسرع أيها العالم 00 أخبرنا بعمل القهوة 00
كيف تصنع حتى نوزعها على المعزين بعد أغتيالك !

اي دير بالك خي محمد احسن ما يخطفوني الاعداء

لان اذا خطفوني ما بقى بتلاقي حدا يعلمك هيك طبخات ووصفات سرية

ومشان صنع القهوة راجع كتاب آبلة نظيرة صفحة سبعطعش

من طرف صديق الرووح 13/9/2008, 9:46 am

كاراميلا كتب:اذا للعزابية معناها مو الي

خخخخخ

نعرف هيك حطينا جهاز كشف المتجوزين عا باب الموضوع

affraid

اهلا فيك اخت كرميلا

من طرف صديق الرووح 13/9/2008, 9:49 am

يكتر خيرك يا ابو خالد

عم تطققني

اييييييييييييييييييييييييه زمن

يجيلك يووم تندم على ما سوويت استمر استمر استمر

يرجة أخذ العلم اني موو زيادة بحب اكل معكرونة Mad

من طرف روح الياسمين 14/9/2008, 3:24 am

عزااابية ؟؟؟؟

هممممممممممممممممممممممم

بسيطة بسيطة بسيطة

شو رأيكن حدا فيه يساعدنا بأكلة لبنة مع خيار ونعنع يابس

مو من شان شي من شان العزاااااااااااااااا بيييية