يا عرب الشرقيه

ترددت شويات قبل ما نزل هالموضوع بيجوز لاني بعتبر هيك مواضيع واللي هيي اساس أغلب المنتديات محاولات صبيانية للتقرب من الأناتي أو أكاذيب وألعاب تشبه شرقيتنا الضائعة وتجاري خديعة حقوق المرأة ومساواتها الوهمية والغير منطقية مع الرجل.

الموضوع منقول عن جريدة بلدنا عدد اليوم السبت 2/8/2008
طبعاً النقل بيتضمن العنوان والمقدمه:

هل باتت كلمة "شرقي" تهمة تلبس الرجل الشرقي؟!

أنت رجل شرقي.. لا تحسن التعامل مع النساء.. غالباً ما تنعتك صديقتك.. زوجتك.. أختك. بأنك "شرقيٌّ متخلفٌ".
عند أول خلاف ينشأ بين رجل وامرأة تكون الكلمة الأولى التي يتَّهم بها أنه "شرقيٌّ"
شرقيٌّ.. شرقيٌّ.. شرقيٌّ.. هل باتت هذه الكلمة وصمة عار يمتاز بها الرجل في المجتمع ليس فقط السوري وإنما العربي أيضاً.!
هذا التسوس الذي بدأ ينخرُ عقل بعض النساء، انتشرَ وبدا كأنه غولٌ يلاحقَ الرجل منهياً الكثير من العادات التي توارثها أباً عن جد

تكملة الموضوع رح تكون علينا سوا من خلال أرائكم يا عضوات مع أنو بعرف مسبقاً أنو عددنا فعليأ 3 أو 4

رأي مستشار أبليس:
كلمة شرقي هيي أكتر كلمه بحلم فيها وأشرف كلمه بتصاحب مصطلح رجل.
بتصور مصطلح رجل لازم يكون بعدو كلمة شرقي يعني رجل شرقي
أو اذا بدنا نشيل كلمة شرقي منقول دكر بدال رجل.

الرجل الشرقي هوي الأمان للأنثى هوي الحب الصادق المترفع عن الغايات المادية والاجتماعيه
وهوي عشق كل أنثى مع أنها بتسب عليه بالعلن وبتدور عليه بالسر وبخلوتها
بتدور ع القوه بعيونو ع الصدق بعيونو ع الشرف بعيونو ع العشق الصامت بعيونو وع خوفو عليها بعيونو

الشرقي بس يرجع المسا ع بيتو هوي وزوجتو ما بيقلها انضربي جيبي خبز لأنو ما بدي وقف بالصف وانطر
الشرقي ما بيقلها لمرتو نزلي الزباله قدام اهل الحاره

بستغرب كيف الانثى فيها ترجع مع زوجها ع البيت بعد ما بيقلها فوتي جيبي خبز وهوي كيف بينبسط بنظرات استحقار الناس إلو وهني عين استحقار عليه وعين عم تاكل مرتو أكل وأيد ماسكين فيها الخبزات وأيد عم تتحرك عليها وتخبرها انو زوجك دخيل أمو واعي ومنفتح وديمقراطي وغبي.

الرجل الشرقي ما هوي انسان متخلف ولا انسان متقوقع متل ما ورجتنا اياه مسلسلات تافه متل باب الحارة
ورجونا الشرقيه على انها الأمية والجهل والتخلف والتعصب والدم الحامي والعضلات الغبية والشهوانيه

الشرقي موجود لأنو أحلى النساء الأنثى الشرقية( بكل ما تحمله من معاني) ناقصها الأمان والسند والحامي ضمن تقاليد مجتمعنا وعاداته ونحنا منحبكن شرقيات لانكن الأروع

............

كملو هنتو
غير أن الشرقي لا يرضى بدور إلا بأدوار البطوله

لك ابوس روح الرجل الشرقي بس مو المتخلف

لانو في كتير رحال بتنقصون بعض الافكار الحضارية متل ضرورة شغل المرة

لانو في كتير رحال بتنقصون بعض الافكار الحضارية متل ضرورة شغل المرة

حلو المرأة تشتغل بس مو حايلا شغل
للاسف عمل المرأة صار نتيجة الحاجة المادية والفقر

بس حلو المرأة تشتغل بشغل مريح يحافظلها ع انوثتها ويحميها ويزيد من حضورها وثقافتها ومكانتها الاجتماعيه

واهلين بكراميلا وشكرا الك كومه بعدين تعي لقلك وين هالغيبه

مممممممممممممممممممممم


والله كنت بالضيعة

وشكرا لانك انتبهت لغيابي

والله ولك وحشه طول الوقت يازين

ع كلن كيفا الضيعه بهالايام

الرواق قصه بدها غطسه

الرجل الشرقي الأن يدعى الرجل القديم المتحجر

بس لمى كان الرجل الشرقي يمر بالحارة كانت البنات تصطف بالدور

اما هلق البنت بدها ترووح محل ما بدها وتشلح نص تيابها بالطريق وهاد مو من طباع واخلاق الرجل الشرقي لهيك صار متخلف

اما بالنسبة لشغل المرة انا برأيي البنت لازم بس تشتغل بمجال التربية والتعليم

لان هاد الشغل الوحيد اللي بيلبقلها