تحية لـــ جوزيف حرب

تحية لــــ جوزيف حرب







عــشــت ْ


عــرفــت ْ


حــزنــت ْ .. فــرحــت ْ


و كــبــرت ْ


و هــلــّئ يـا هـالـدفــّـة


انــغــمــســي بــمــوج الـلـيـل


بــيــكـفــّــي


زهــئــت ْ مــن هـالــكــون


زهــئــت ْ مـن هــالــكــل ّ


و طــالــع عـا بــالـــي


فـــِـــل ّ




* * * * * * * * * * * * *






«مرّه مرق ظلّي ع بالي.
وكان ليل، وهو ما بعرف وين بغيابي،
تذكّرت أصحابي».



* * * * * * * * * * *




«ناديت بلكي في حدا بيردّ،
وعلّي الصوت ومدّ.
ردّو عليّي. رحت صوبن. شفت سروي
تحت منها مبخره
بتلوح فوق المقبره».




* * * * * * * * * * *




«عندي حيطان معلّق عليها صور لونن مسا.
بطلّع فين. بتأمّلن. بشتاق لصحابن.
صحابن كأنّي بعد منهن شمس مكسوره،
يا مات ناي بنوم عصفوره،
يا روح مطفيّي.
ومن كتر ما مسّحت عينيّي فين،
بتحس يا قلبي انمحو هنّي وعينيّي.
وفي يوم، بعرف، رح يجي
ويعلقولي حدّهن صوره،
ويا مين يمرق يلتفت فيّي».


* * * * * * * * * *



ما قدرت نسيت:
....................
زعلي طول أنا و ياك و سنين بقيت
جرب فيهن انا إنساك ما قدرت نسيت
لو جيت نهارعا بيتي لقيت إنك حبيبي
بغيابي جيت
بتشوف ان ما مرقوا إلا ايديك على
هالبيت
كإنك حبيبي و أنت عينيك هلق فليت
يا ريتك هون حبيبي و ليل
ويكون نبيد و شمع الليل
و أكتبلك عا ورقة حتى ما قول ما بقدر قول
ياريتك مش رايح يا ريت بتبقى
عطـــــــــول



* * * * * * * * * * * * *



العواصف:
..................
يمكن العشاق قلبن وحدو عارف
سبب الفراق , شو هي العواصف



* * * * * * * * * *



....................
طفل قاطع تذكرة
خصلة حبق .
و جايب لأختو خاتم من
اللوز
وسوارة
وحلق



* * * * * * * * * * * * *