شوي من عندك شوي من عندو بيصير أحلى

يسعد صباحكن شباب وصبايا :

هلق انا غليظ بعرف هالشي إلن اسبوع كل الحواليي بيقولولي هالحكي ف شو ما حكيتوا مانو جديد:

المهم يا زعامه إنو أغلبيتكم مشترك بمنتدى تنين تلاته وبيجوز عشرة أما أنا بديني ماني مشترك غير بهالمنتدى وهي أول مرة وآخر مرة بجرب - التوبه-, لهيك خلونا بهادا المنتدى نميزو أكتر عن غيرو يعني مواضيع مختلفة ترتيب المنتدى كلو يكون غير , أكيد نحنا ما فينا نستغنى عن القص والصق لانو صار بدمنا وهوي تلت رباع ثقافتنا بس خلونا نخلي هالقص والصق اوسع واشمل يعني حبينا نحكي عن شي موضوع مو ناخدوا جاهز نخلي روحنا فيه ع الاقل ما نقص من محل واحد نقص من شي تلت محلات ونزبطين مع بعض لنعمل موضوع مميز اكتر وبيشوق اكتر.

بعدين بعد اذنكن يعني بعد ما عملت فتله ع هالمنتديات كأنو مافي مواضيع غير حبيني وأنا حبك ليل الشتا طويل أو برامج كمبيوتر ما بتلزم واحد فينا منزلا كل واحد ليعبر عن حرفنتو باقتحام غوغل وبقص ايدي اذا بيعرف يشتغل عليا
ونكت وقصص ورسالة من ام مصرية الى ابنتها وشو بيعرفني لأ وشو كمان قال تعلم الطبخ مع أنو مافي إنتايه بتقضي وقتا ع النت بتعرف تقلي بيضه (بيجوز بهي كون عم خبص).

يعني تلت رباعو بلا طعمه ومنقراه لانو بدنا موضوع من غيمه يشيل من طريقنا شي ربع ساعة

والردود:
1- مشكور اخي بالله حسن
2- ههههههههههههههه
3- موضوع رائع لا بل أكثر من رائع تقبل مروري
4- أنا برأيي ........... (ما كتبت شي لانو والله اللي كاتبو مو رأيو لانو نحنا بعد هالكلمة صدقاً وتلقائياً منصير نحكي غير رأينا تماما منحسبا خيو ما بيقولو ياروح ما بعدك روح أي ف برأي بلاها لهلكلمة بالردود ).
5- يلا شباب وين الردود شو ما في حدا هون (صاحب المقال انطمز انو راح من وقتوا 3 دقايق وهوي يقص ويلصق بدون ما حدا يعبروا, شي ..........).

بلا طولة سيرة (بحكي قد عشر نسوان قال وشو بلا طولة سيرة) التميز بيكون بالمواضيع المختلفه وبالردود ومو ضروري المجاملات اللي بلا طعمه لأنو اذا زاد عدد مشاركتنا وزادت هالنسبه المئوية اللي حاطتها العقل زينه ع أول صفحة بالمنتدى ما بيغير شي والله اذا بتجيب فيا 100% ما فيك تستلم رئيس بلدية ولك مختار ما فيك فبلاها ازبط.

خلونا نعمل منتدى نستفاد نحنا منو نلاقي شي جديد نساعد ثقافتنا فيه شوي لأنو ثقافتنا بهالايام وبهالمنتديات وبهالمواقع يعني ولا البد
أي وهيك يعني كل واحد بينو وبين حالو يزيد ع الحكيتو وانشاء الله منعمل شي حلو واللي بدو يسب يسبلو حبه بس لا يغمق كرمال رحمة روزفلت وتشرشل.

أبو خالد (مستشار أبليس)
مدريد – بقعو – حارة المجنون فوزي أسمهان (بما أنو المجنون عنا مدري ليش كنيتو ع اسم أمو)

ابو خالد

لك بربي انك فتت لمزاجي عالاخير لانو حكيك صح مية بالمية هلق بالنسبة للمواضيع
المبدعين صارو قلال يعني حلو الواحد ينتج من عقلو بس اذا مافيو كمان حلو يشارك
بمعلومة او موضوع فات مزاجو

هلق عالردود بالنسبة الي انا ما كتير بعرف صف حكي يعني اذا عجبني الموضوع بقول حلو وبس

اما بالنسبة ل
مافي إنتايه بتقضي وقتا ع النت بتعرف تقلي بيضه

فهاي انا ما بتفق معك فيا بتاتا

انا صحي بقضي وقتي كلو عالنت
بس عندي استعداد اطبخلك اللي بدك ياه(محاشي-كبة-بامية-جقات اللي هيي مصارين محشية)
وبيجي يوم بتدوق طبخي انشالله

ويلا
شوي مني شوي منك بيصير هالمنتدى احلى شي

لأ وشو كمان قال تعلم الطبخ مع أنو مافي إنتايه بتقضي وقتا ع النت بتعرف تقلي بيضه (بيجوز بهي كون عم خبص).

أنا من الاول قلتلك اني عم خبص بهي لهيك مرقيلنا اياها ومنعتذر منك
أو لقلك ليكي أنا أخد ع خاطري بيجوز ما إرضى بلا جقات (قشه)

بديني بحضي مافي أكله بالعالم من هالاكلات الدسمات اللي بيحبا قلبك ما بعرفا لهيك ما في داعي للشرح

وأنا بعرف أعمل معكرونه بلبن ورز وبقمع بامه منيح وأهم شي بعرف أقطف لبنه
انا ممكن اني عيش كل حياتي ع اللبنه بس ما بعذب يعني

والمنتدى اكيد بيكبر معك

وانشاء الله مندوق طبخك بشي اكلة رز وفاصوليا يابسه

اهلين ابو خالد الحبب
على راسي دولتك وحارتك وكمان لا تنسى جارتك
اي حبيب من شان هي
ترتيب المنتدى كلو يكون غير

انا جاهز في منتدى اسمو التطور والشكاوي وشو بيطلع ببالك انا جاهز

وكمان في طريقة تانية انو انا كأني عم شوفك كل يوم ما

ومن شان الأكل شو هاد يا كان موضوع تطور صار موضوع افتح شهيتك

ليك اذا بدك تمشي هالمنتدى ياحط صور أكل يا صور تياب ف كرمال الله تركنا نحكي عن الاكل في شي احلى من الاكل ولا داقت عينك لانو كراميلا عزمتني ع النن من تحت ايدا وهنت تسق يلا بكرا باخدك معي

يلى اذا هيك بدك تنطر كتير اذا هي على المناقيش اللي هوي جارها لسى ما عزمتا فنطوووووووووووووووووووور

له يا عقولة
هاي ما حبيتا منك

شو ينطر ما ينطر؟
لك انتو امرو
وكلشي بيحضر لخدمة شواربكون اي؟

اي شي

بديني انك كفو كراميلا ما بدنا غير سلامتك ووووووووووو اللي بيطلع من خاطرك مني وعليي مافي أكله ما باكلا

لك ريتو صحة وهنا من عيوني الفاصولية اليابسة بس نحنا بحومص منقلا فاصولية حب

أنا ترتيب الدني عندي الله - الفاصولية حب والرز - امي - بيي - خيتي ....
يعني لولا العيب والخجل كنت حطيت الفاصوليه والرز بيجوز لقدام شوي سألي عقل بيشرحلك الوضع

بس ع سيرة انتو بحومص شو بتقولو اسمعي ه النكته

قال وحده صيدلانيه قلها زوجا طبخيلنا فاصوليه قالتلو بدك اياها حب ولا تحاميل

هههههههههههههههههههههههههه ابو خالد بربي انك نهفة