كيف تكتسب الجنسية الطرطوسية

كيف تكتسب الجنسية الطرطوسية

1-تفيق الصبح وبدل ما تقول صباح الخير تقول( طيطا طيطا باسيطاااااا طرطوس غلبت صافيتااااااا)
وما يكون عندك ولا واحد بالمليون شك انو طرطوس تغلب صافيتا
(من شأن هذه الجملة ان ترفع من معنويات كل فرد طرطوسي)

2-ان تحمل شهادة دوكتوراة في قرقعة المتة وتشرب على الاقل
من 12 ال 24 ضرب متة يوميا(حتى ينطو الضفادع الخضر من معدتك)

3-انت تحمل ديبلوم في تعمير الاركيلة بفحم سنديان ومعسل نخلة تفاحتين حصرا
(وشبو يعني واذا نخلة؟ رخيص وكويس وابن ناس) ايضا من نفسين
لثلاثة يوميا(حتى تصير تسعل متل الحشاشين)

4-انت تستيقظ ويكون عندك جوع عتيق وتروح لعند ابو خالد وتتفق معو
عأكلة حمّص مفتخرة مع فحل بصل وقرص شنكليش (ترا الشنكليش اساسي هاه)
او سندويش سودا مع كوكتيل وكولا

5- ان تملك خبرة لا تقل عن خمس سنوات في دبكة العرب عرب
وتكون دبيك درجة اولى بتقدير ممتاز(عالاول مو عالدّنب)

6- ان تحمل شهادة موقعة اصولا من نقابة فنانين العرب عرب بأنك
تحفظ اغاني( ربيع حمدي-سارية السواس-علي ديوب- علي الديك
- وفيق حبيب- فريحة العبدلله- نعيم الشيخ- عمر الشعار- طروب ديوب)عن ظهر قلب ومع الاضافات(اذبح
حيهم -واااابيي- وااا خيي- اي يالله- انتشرووووووووو- والحضر حضر والما حضرراحت علييييييييييييييييه)

7- ان تكون عضو دائم بمنتدى ضيعتنا وتشارك بمواضيع تحشيش كالعادة

وغير هيك انشالله يكون الك عشرين سنة عايش بطرطوس لا تحلم بالجنسية
الطرطوسية

واخيرا وليس اخرا اليكم بعض المفردات الطرطوسية الاصيلة
نقرقع متة== نشرب متة واااا== اداة نداء
حزورة== معقولة اساسي== بالتاكيد
حيج== كفى جيجة== دجاجة
سلسبيلك== سلالتك قرد== اشارة تعجب
حبيب== اداة نداء تقال لاي شخص يمشي في الشارع
جرنباية== نوع من انواع السحالي
تتخيتة== سقيفة وصلانة== وصلت
بلفني== خدعني درمل== اذهب من هنا
شطحطو== طرحته ارضا الماخود== هذا الشيء
تخفشا== انا نفسي ما بعرف شلحتو== رميتو
كحشتو== طردته ايليييييييييي== يا ساتر
دست== وعاء خاص لطبخ المجدرة أفيني== لا اقدر
عشية== اما الصبح بعد الظهر واما مساء قبل الظهر المهم ظرف زمان
بيي== ابي اي بالله== طبعا
هند==انت هبتشبه==لا تشعر بالشبع
ميشي=لا باس هبدنا ==لا نريد

قررررررررررررررررررررر==كلمة سر بيني وبين عتريسو


وامانة امانة قولولي شو عجبكون فيا ولا حدا يزعل مني
التوقيع طرطوسية عالدم (طرطوس غلبت صافيتااااااااااااا)

والله يا كارميلا أنا طرطوسية ع العضم وما بعمل ولا وحدة من هدول

قررررررررررررررررر لك كيف ابتعملي شي من هدول؟؟

مو مشاركة بالمنتدىىىىىىىىىىىىى؟؟

قرررررررررررررررر ومينو القلك اني من طرطووووووووووووووووسس