لماذا العرب ضعفاء

وهو ليش البنت بمجتمعنا الشرقي لازم تغير جميع عادات وتقاليد المجتمع الشرقي

من حيث اللبس ولا بداية موضوعي أنا بحب أسال أسئلة كتير وراح أبدأ بأول سؤال:

طريقة الكلام ولا طريقة المشي ولا أي شي بتشوفو من الغرب لازم تقلدو وبعدين بتقول تحرر ليش كلشي شرقي بينسبو للبداوة مع أنو الحضارة بدأت من عند العرب بس الجهل عند الإنسان العربي وتطلعاتو لشغلات تافهة صنعها الغرب منشان يلهي العقل العربي لأنو بيعرف أنو العرب هن صناع الحضارة ولأنو اذا تركوا العقل العربي يشتغل راح نسبقن بمراحل .يش الشب وا البنيحمت بمجتمنا لازمل موبالي أخر موضة مع أنو بالغرب بيحملو أتفه الموبايلات ما فيها لا كميرة ولا شي لأنن بيعرفو شو وظيفة الموبايل بس بالمقابل صاروا يصدروا للعرب أجهزة دخلو فيها جميع أنواع التسلية من كمرة وبلوتوث وأغاني والحمد لله العرب ما في أشطر منن بالتسلية بدل ما يقعدو يفكروا كيف بدن يصنعو موبايل وهيك بيوفروا عحالن قيمة كبيرة من المال لأنو العرب مروفين بحبن للمادة ليش كل ما لبسوا الغرب تياب فاضحة لازم نقلدن لأ ومن زيد من الفضيحة ليش أنا وغيري كتير لما منشوف بنت أجنبية لابسة لبس فاضح ما بحس بأي شي بينما بس شوف بنت عربية بحس أنو عم تلبس لحتى تفرجيني جسمها وتبين جمالها الخارجي أنا واحد ممن يلي بيحبوا الجمال الداخلي لأنو أهم بكتير من الجمال الخارجي ليش الإنسان العربي الثقافة عندو ضعية وأنا واحدمنن . لكن معقول واحد أجنبي يفكر يسافر ليكتشف أثارنا ونحنا ما فينا نتحرك من الكرسي ليش هل لكسل يا عرب انا بتمنا شوف مجتمعي أرقى مجتمع ونحن لازم نشتغل على حالنا اكتر بدال منروح نتفرج ع الموضة الغربية ونلبس متلن ليش نحن شباب وصباية ما منشتغل ومنصتع موضة وبيصير الغرب يقلدنا حلوة روح لمنافسة .ليش بدال من نقول بدنا نسافر ع باريس أو ع لندن أو أي دولة أجنبية ليش ما منجمل من بلدانا وهنن يصير يحلمو ببلادنا .

يا شباب وصبايا بلا منضعف قدام شي عم ينصنع بالغرب لتحطيم العقل العربي .ليش صار تفكير الشب ولا البنت بأنو التحرر لازم يكون باللبس ولا بلمسة اليد ولا ببوسة الشفاه ولا.............؟ وبعدين بيقولوا هيدي حرية مثل الغرب بس بدي قول أنو الغرب عاداتو وتقاليدو مو مثلنا بليز شباب وصبايا خلو الغرب يقلدنا منشان مانضل أضعف شعوب العالم وأتفها.





ملاحظة :بتمنى المناقشة او الرد وهيدا رأيي وكل واحد إلو رأي وأنا بحترم جميع الأراء الأخرى من نقد او رأي متماثل وشكرا............

والله يا كاراميل معك حق بكل حرف
يعني لما يجي يقلدو الغرب باللبس والتصرفا ت
يقلدوه بطريقة التفكير الحضارية

اللي بزمانو شفت منظر شيبني
باحداث 11 ايلول لما عم ينقذو العالم

كانو العالم صافين عالدور مشان يطلعو بالباص
بينما عنا بيكفي قلك شو بيصير مشان الخبز او الغاز

والله بايدك حق يا اخت كاراميلا بس بعتقد انو كل انسان عربي لازم يتحرك

اي يلا

يلى لوين ؟؟؟؟؟ شو هاد صحي كان الحكي ما علا جمرك بس بهالأيام جمركو عالي كتيير
وكبر دليل الموبايل

يلا يلا
التنين بربع السته بميه
ولا شي عم بيع جرابات

بس فهموني كيف بالغرب ما في رفاهيه يعني بدكن تقنعوني انو نوكيا وسوني اريكسون وبي ام دبليو ومرسيدس وماكنتوش وابل وماكدونالد وكنتكي وووووووو عم يشتغلو من ورانا
قبل ما نحكي كاتب الموضوع هوي اللي عندو عقدة الاجنبي
يعني عم تحكي عن الموبايل اللي بيحملو الاجنبي انو عادي اي كل تجار بلدك موبايلاتا اقل من عاديه
بس انت عم تقارن موبايل شب باول عمرو مصروفو من عند اهلو واهلو حابين يغنجوه شوي بشي موبايل زبال من اجنابيا لانو لاتقنعني انو برا ما في صرف ع الرفاهية
برا هني رب الصرف ع الرفاهية ومو غلط الواحد المقتدر يدلل حالو
انا لو معي مصاري ماني بحاجتها والله بغنج حالي وبركب اودي كيو 7 حتى لو كنت هلق بحلم بالسوبارو

بس كمان منشان الحق نحنا شعب ما بيلبقلوشي عم احكي بالنسبه للموضوع اللي حكت عنو الرائعة كراميلا منشان احترام النظام هي القصه علقو عليا عقد ما بدكن

ولك حبيبي ابو خالد شو مصتقصدني لك يا حبيبي تجار بلدك عندن 5 موبايلات بيكون واحد منن عادي لانو الموبايل العادي بطاريتو بضاين اكتر من الحديث بدون فهمنة عليك

ليش مصتقصدك شو الي عندك

ولله ما بعرف يلا عادي خيوة اخوية

هدوا يا شباب القصة ما بتستاهل ما بدنا الدم يوصل ع الركب بالمنتدى
مين بدو يشطف الدم من بعدكم غير أنا و كاراميلا